Presentacion dera “ IV Era Nocturna Vielha ” en Ajuntament de Vielha e Mijaran
Ja son daurides es inscripcions online, damb un maxim de 600 participants.
Alberto López, còsso d’Espòrts der Ajuntament de Vielha e Mijaran, amassa damb Esther Vidal, deth Club Athletic Val d’Aran (CAVA), an presentat aué ena sala de plens der Ajuntament, era IV Era Nocturna Vielha e II TOMTOM Night Running Series, que se celebrarà eth pròplèu 30 de junhsèga enes carrèrs de Vielha.
Jos eth lèma “Cor de net damb nosati” era carrèra a dues pròves competitiues, ua de 5 e i auta de 10 quilomètres, a mès de dus populars, ua caminada e corses infantils, ath delà tanben auram eth Pintxo-Runner pes bars dera localitat, sorteig de regals e musica en directe, tot damb caracter hestiu e popular.
Segontes informacion dera organizacion, ena edición der an 2015, mès dera meitat des corredors des corses èren abitants dera Val d’Aran, ua información qu’a avalorat er Ajuntament, que collabòre en aguest gran eveniment pr’amor dera repercusion economica qu’aufrís as establiments dera poblacion.
Es inscripcions ja son daurides en www.nightrunningseries.com/vielha E eth maxim de participants aceptadi ei de 600. Es oraris seràn tas 19.00 ores es corses infantiles, tas 20.00 ores era caminada populara e tas 21.00 ores, gesseran es corredors des dues pròves competitiues, en tot recorrer eth madeish traçat d’edicions anteriores.
Alberto López, a finalizat era presentacion “en tot convidar a toti es vesins dera poblacion a participar en aguest gran e polit eveniment popular, en tot practicar espòrt, un acte saludable entà toti”.
Puntuació: 4,00 de 5 - 1 Vots
Carregant ... - 1.150 visites[ Valora aquesta informació fent clic als estels ]
Si t'agrada aquest canal informatiu subscriu-te al RSS !
NOTA: El comptador de visites està actiu des de 02-2016
