Bona participacion ena Val d’Aran ena Vau edicion dera Jornada de poda en poma de montanha
Eth Govèrn d’Aran, a trauès deth Departament d’Agricultura, Ramaderia e Medi Naturau, a organizat ua jornada de poda en poma de montanha. Aguesta jornada, que compde damb eth supòrt deth Departament d’Agricultura, Ramaderia, Pesca e Alimentacion dera Generalitat de Catalonha, s’a centrat en prètzhèt dera recuperacion e es potencialitats de naui productes ath torn des varietats locaus de fruta ena Val d’Aran.
Era produccion de fruta en nautada, constituís ua oportunitat entara diversificacion dera economia productiva des territòris de montanha que, coma en cas dera Val d’Aran, ei fòrça focalizada en torisme. Coma tota innovacion, requerís eth sòn aprenentatge ena tecnologia de produccion e, en particular, ena poda der arbe fruiter.
Era jornada a compdat damb era preséncia deth sindic d’Aran, Carlos Barrera e deth conselhèr d’Agricultura, Ramaderia e Medi Naturau d’Aran, Jose Enrique Arró.
En paraules deth conselhèr Jose Enrique Arró, “era jornada a coma objectiu aportar coneishences teoriques e practiques sus era poda dera pomèra a on ena Val d’Aran aguest coitiu a estat des d’epòques immemoriaus e encara n’ei plan presenta”.
Puntuació: 4,00 de 5 - 1 Vots
Carregant ... - 1.355 visites[ Valora aquesta informació fent clic als estels ]
Si t'agrada aquest canal informatiu subscriu-te al RSS !
NOTA: El comptador de visites està actiu des de 02-2016
