Tòn Cónsul Vivar 4au ena Copa Printemps

0 Flares Twitter 0 Buffer 0 Facebook 0 Email -- 0 Flares ×
Eth patinador aranés, Tòn Cónsul Vivar 4au ena Copa Printemps de Luxemborg 
 

•  Tòn demorèc a sonque 0,01 punts dera medalha de bronze

Eth patinador aranés junior, Tòn Cónsul Vivar, demorèc a sonque 0,01 punts dera medalha de bronze ena Copa Printemps. Dempús d’un cuert mancat (46,42 punts), barrèc era sua sason damb eth melhor programa long dera sua carrèra enquià aué.

Gran doble axel + triple toe, triple flip damb dus pès, triple salchow, triple bucle + doble toe, sèria de passi nivèu 3, triple bucle, triple salchow + doble toe + doble bucle gessuda sus virada e damb supòrt dera cama liura, pirueta baisha cambiada de nivèu 4, axel simple en assag de doble, doble flip, pirueta combinada nivèu 4 e pirueta sautada combinada de nivèu 2. Ara fin se li vedec fòrça cansat mès, clauèc practicaments toti es elements importants.



52,10 entath merit tecnic e 43,16 entàs compausants (ua avaloracion sense dobte injusta en non arribar a cinc en cap aspècte) entà un totau de 95,26 (tresau melhor programa liure) e un acumulat de 141,68.

TÒN-CÓNSUL-VIVARTòn a manifestat “sò fòrça content damb era competicion de Luxemborg en tot finalizar 4au a 0,01 deth podium!! A estat eth melhor programa long qu’è hèt jamès (en tot tier en compde era tecnica (52,10). Damb aguesta competicion s’acabe era mia sason e volie arregraïr as mèns pairs, as mèns entrenadors Patrick, Marta e Moi e as mèns companhs d’entrenament que m’ajuden dia a dia entà contunhar entrenant e estudiant en Barcelona!!!”

Tòn signèc un convèni damb eth Conselh Generau d’Aran e Foment Torisme Val d’Aran entà promòir era destinacion toristica esportiua Val d’Aran peth mon, representada ena imatge e es valors deth joen patinador, e dera equipa deth que hè part, mejançant eth patrocini institucionau.

FluixNo està malamentEstà beAquest em serveixFantàstic Puntuació: 4,00 de 5 - 1 Vots
Carregant ... - 1.132 visites
[ Valora aquesta informació fent clic als estels ]
Si t'agrada aquest canal informatiu subscriu-te al RSS !
NOTA: El comptador de visites està actiu des de 02-2016
0 Flares Twitter 0 Buffer 0 Facebook 0 Email -- 0 Flares ×