Eth Govèrn d’Aran realize òbres de melhora en collector de Les per valor de 60.000€
Eth Conselh Generau d’Aran a iniciat es òbres en collector de Les que consistissen ena reposicion e restauracion deth Pas deth collector de sanejament per arriu Garona ara nautada der “Ostau dera Nhèu”.
En paraules deth sindic d’Aran, Carlos Barrera, “er aiguat de junh deth 2013 deishèc un horat d’importantes dimensions que generèc ua situacion perilhosa e ua paralizacion permanenta des espòrts d’ostiu en aguest punt dera Val d’Aran”.
Tanben se bastís ua esculhèra inclinada qu’aurà dues foncions:
1) Contencion deth collector.
2) Rampa que permeterà era connectivitat deth pas des trueites e tanben serà un element fòrça mès segur entara practica deth rafting en aguest punt, en tot eliminar eth saut verticau e era bassa qu’en aguest moment existís.
Eth còst d’aguesta òbra ei de 60.000€, consignadi pera Agéncia Catalana dera Aigua (ACA) entà qu’eth Conselh Generau d’Aran, a trauès dera empresa explotadora des depuradores araneses, ISOLUX CORSÁN, execute es òbres de melhora priorizada des deth Govèrn d’Aran.
Eth sindic d’Aran, Carlos Barrera, a hijut “damb aguesta accion se resolerà era afectacion produsida pes aiguats eth 2013 en sistèma de sanejament des aigües residuaus en Les”.
Puntuació: 4,00 de 5 - 1 Vots
Carregant ... - 1.130 visites[ Valora aquesta informació fent clic als estels ]
Si t'agrada aquest canal informatiu subscriu-te al RSS !
NOTA: El comptador de visites està actiu des de 02-2016
