Eth Govèrn d’Aran invertís lèu 21.000€ en Parc de Pompiers de Les entà redusir eth consum energetic
Eth parc de Pompiers de Les a ua aucupacion damb planta de 245m2 e ua superfícia bastida de 424m2 distribuïdi damb planta baisha, prumèra planta e planta “sotacoberta” utilizada coma magasèm damb un petit burèu.
Se tracte d’ua bastissa bastida en an 1890 dedicada a residéncia religiosa, a on a mejans/finaus des ans 80 se reformèc en tot passar a dar servici coma Parc de Pompiers. Actuauments, eth Parc ei proprietat deth Conselh Generau d’Aran.
En paraules deth sindic d’Aran, Carlos Barrera “damb lèu trenta ans en foncionament s’an agut de hèr per besonhs ua sèria de mesures de condicionament entà dar responsa a ua reduccion deth consum energetic”.
Barrera a hijut “s’a melhorat un equipament destinat ara gestion e responsa des emergéncies”.
Er objècte des òbres de besonh entà guanhar benéster en tot baishar eth consum energetic an estat:
– Cambi de hustaria existenta d’alumini simple a PVC damb veire doble baish emissiu e perfilaria damb trincament de pònt termic.
Eth còst des òbres a estat de 20.713,48 èuros.
Puntuació: 4,00 de 5 - 1 Vots
Carregant ... - 1.091 visites[ Valora aquesta informació fent clic als estels ]
Si t'agrada aquest canal informatiu subscriu-te al RSS !
NOTA: El comptador de visites està actiu des de 02-2016
