Exemplars dera Lei d’Aran

0 Flares Twitter 0 Buffer 0 Facebook 0 Email -- 0 Flares ×

Exemplars dera Lei d’Aran

Se pòden remassar ena sedença deth Conselh Generau d’Aran en Vielha o enes Ajuntaments dera Val d’Aran

Planvolut vesin,
Coma ben sabetz eth dia 5 de hereuèr de 2015, entrèc en vigor era naua Lei de Regim Especiau d’Aran. Es trebalhs d’elaboracion e prepausa d’aguesta naua lei sigueren fruit deth consens de toti es grops politics aranesi.

En data 7 d’agost de 2012, eth Plen deth Copnselh Generau d’Aran, compausat pes grops politics CDA, UA-PSC e PRAG, aprovèren per unanimitat eth tèxt dera prepausa e li dèren eth corresponent tramit parlamentari.

Siguec eth 19 de junh de 2013 quan aguesta prepausa se tramitèc en Parlament de Catalunya coma ponéncia conjunta de toti es grops politics parlamentaris e siguec aprovada en session plenària eth 21 de gèr de 2015.

Eth sentit deth vot siguec çò que seguís:

  • 121 vots a favor (CiU, ERC, PSC, PP, Ic Verds- EuiA e eth Grop Mixt)
  • 9 abstencions (Ciutadans)
  • 5 parlamentaris non siguèren presents ena session

Presentèc es trebalhs d’aguesta Lei eth Deputat e Ponent-relator Sr. Alex Moga.

Posteriorment, eth 14 de hereuèr deth 2015, eth Plan Auble. President dera Generalitat de Catalunya Sr. Artur Mas i Gabarro la sancionèc solemnament en Santuari de Mijaran.

Merite un especiau reconeishement eth hèt qu’era prepausa lei siguec artenhuda per unanimitat de toti es grops politics aranesi e eth consens majoritari des vesins que tanben participèren des de disparièrs ambits professionaus, associatius, sociaus e particulars.

Per tot çò que represente entà Aran era nòsta Lei, vos hèm arribar aguest exemplar damb era confidança qu’aprohondir en sòn contiengut vos a de perméter arténher ua vision fòrça mès real des possibilitats de desvolopament politic, sociau e economic d’Aran.

En nòm des grops politics que compausam eth Plen deth Conselh Generau d’Aran, recebetz ua corau salutacion.

FluixNo està malamentEstà beAquest em serveixFantàstic Puntuació: 4,00 de 5 - 1 Vots
Carregant ... - 157 visites
[ Valora aquesta informació fent clic als estels ]
Si t'agrada aquest canal informatiu subscriu-te al RSS !
NOTA: El comptador de visites està actiu des de 02-2016
0 Flares Twitter 0 Buffer 0 Facebook 0 Email -- 0 Flares ×