Era Escòla Infantil Era Cunhèra de Vielha e Mijaran barre eth cors lectiu 2015-2016 damb un balanç fòrça positiu
An aumentat eth nombre d’alumnes inscriti e s’a cambiat era metodologia pedagogica
Es pròplèus dies finalizarà eth cors 2015-16 ena Escòla Infantila “Era Cunhèra” de Vielha e er Ajuntament de Vielha e Mijaran celèbre era información aufrida pera direccion deth centre pendent aguest cors.
Es dades mès importantes son er increment d’alumnes inscriti pendent aguest cors, que somen quasi seishanta, en tot doblar es que i auie en inici de cors, e era varietat e major nombre d’activitats desvolopades entàs madeishi e qu’an agut un gran acuèlh entre es pairs.
Entà Maria Vergés, còsso d’Educacion, Cultura e Accion Sociau, der Ajuntament de Vielha e Mijaran “èm fòrça contenti pera evolucion qu’a era escòla, e arregraïm fòrça er esfòrç e dedicacion deth professorat atau coma era implicacion des familhes”. Tanben a destacat que “ei era nòsta intencion seguir en tot esforçar-mos entà contunhar e poder aufrir eth mielhor servici. Aguest cors auem introdusit eth trabalh per projèctes e d’autes novetats qu’an ajudat a arténher er objectiu qu’auíem ar inici de cors”.
Es inscripcions entath cors 2016-17 ja son daurides e se pòden dirigir es interessadi ara secretaria dera Escòla Infantila “Era Cunhèra” plaçada ena Avenguda Garona de Vielha.
Puntuació: 4,00 de 5 - 1 Vots
Carregant ... - 1.184 visites[ Valora aquesta informació fent clic als estels ]
Si t'agrada aquest canal informatiu subscriu-te al RSS !
NOTA: El comptador de visites està actiu des de 02-2016
