Eth passat dimars 7 de junh, era Delegacion deth Pirenèu dera Demarcacion de Lleida deth Col·legi d’Arquitectes de Catalunya liurèc, ena Sala Auditòri deth CETAP- Telecentre dera Seu d’Urgell, dera Xau edicion des Prèmis COAC entà Trabalhs de Recèrca 2016 d’estudiants de bachillerat des sies comarques deth Naut Pirenèu e Aran deth cors 2015-2016.
Eth prumèr prèmi siguec entath trabalh “Un pas més enllà de la foscor“, dera escolana Maria Trujillo, der Institut Hug Roger III de Sort. Es accèssits sigueren entath trabalh “Llum per a tothom“, d’Erik Navarro e Jon Martínez, der Institut d’Aran, e entà “La Geotèrmia“, de Clàudia Doria e Anna Rey, der Institut Joan Brudieu dera Seu d’Urgell.
Prèmis COAC entà trabalhs de recèrca
Er objectiu des Prèmis ei fomentar er interès entre es escolans de bachillerat pes trabalhs de recèrca e investigacion restacadi damb era arquitectura e eth dessenh; era ciutat e er urbanisme; eth territòri e eth païsatge; e era ecologia e era sostenibilitat. Eth jurat ère format peth delegat deth Pirenèu dera Demarcacion de Lleida deth COAC, Ricard Lobo, e dus arquitèctes vinculadi ara Delegacion, David Juàrez e Joan Marquet.
Es aranesi, Jon Martínez e Erik Navarro, anèren acompanhadi peth sòn tutor der INS d’Aran, Marcos España.
Eth vicesindic d’Aran e conselhèr d’Administracion Publica, Finances e Coneishement e Transparéncia, Luís Carlos Medina, a manifestat “com auem dit fòrça viatges ena Val d’Aran i a fòrça talent e açò ei ua auta mòstra. Cau felicitar a Erik e a Jon, atau coma as sòns professors, peth sector tan competitiu e complicat a on an obtengut aguest accèssit. Enorabona!”.
Puntuació: 4,00 de 5 - 1 Vots
Carregant ... - 1.025 visites[ Valora aquesta informació fent clic als estels ]
Si t'agrada aquest canal informatiu subscriu-te al RSS !
NOTA: El comptador de visites està actiu des de 02-2016
