ER ARANÉS AYMAR NAVARRO EN FWT- CGA

0 Flares Twitter 0 Buffer 0 Facebook 0 Email -- 0 Flares ×
Er aranés, Aymar Navarro Combalié, en campionat deth mon deth “Freeride World Tour”
 

Deman diuendres, 22 de gèr, Vallnord-Arcalís daurirà eth Freeride World Tour, a on Aymar serà er unic representant espanhòu.  

Est an passat en aguesta madeisha competicion, Aymar Navarro, artenhec eth Top 10.

Aguest diuendres, dia 22 de gèr, se celebrarà era prumèra competicion deth“Freeride World Tour” (FWT) (campionat deth mon de freeride) en Vallnord-Arcalís, a on er unic representant espanhòu serà er aranés, Aymar Navarro Combalié. Eth FWT ei eth circuit de freeride ski e surf de nhèu mès important a nivèu mondiau e se desvoloparà en scenaris dehòra de pista, de dificultat extrèma.

AYMAR-FWT3

Est an passat Aymar tanben siguec er unic espanhòu en aguesta competicion e artenhec eth Top10.

Aymar Navarro a manifestat “me tròbi fisicaments ben e recuperat dera lesion qu’auí en jolh est an passat e damb fòrça ganes e motivacion. Aguestes darrères setmanes m’è trapat fòrça comòde esquiant atau que demori poder hèr un bon papèr e gaudir dera experiéncia”.

Eth vicesindic d’Aran e conselhèr d’Espòrts, Luís Carlos Medina, a soslinhat“tornar a veir ath nòste esportista Aymar ena competicion de naut nivèu dempús dera lesion d’est an passat ei ua grana notícia. Ei un orgulh entath nòste país que pogue representar-mos internacionauments. Era Val d’Aran ei damb tu. Demoram qu’artenhes fòrça boni resultats”.

Es autes etapes deth Freeride World Tour, dempús d’era que se disputarà aguesta dimenjada en Vallnord-Arcalís e abans deth barrament en Verbier, son es de Chamonix-Mont Blanc (França), en hereuèr; e es de Fieberbrunn (Àustria) e Haines (Alaska, Estats Units).

AYMAR-FWT1 AYMAR-FWT2

Aymar Navarro, signèc un convèni damb eth Conselh Generau d’Aran entà promòir era destinacion toristica esportiua Val d’Aran peth mon, representada ena imatge e enes valors deth freerider. “Qui melhor qu’es nòsti joeni esportistes professionaus aranesi entà representar eth nòste país e eth sentiment d’identitat” manifestèc Carlos Barrera, sindic d’Aran.

PROGRAMA FWT:

DIJAUS 21 DE GÈR:

      ORDINO

·         09:00 – 19:00: Acreditacions (Auditòri Nacionau d’Andòrra)

     VALLNORD – ORDINO ARCALÍS

·         09:00 – 15:30: Workshop sus Seguretat (estacion)

·         11:30 – 15:30: Inspeccion dera zòna de competicion + reünion de riders (estacion)

DIUENDRES 22 DE GÈR:

       VALLNORD – ORDINO ARCALÍS

·         09:00 – 14:00: Competicion d’elèit FWT

·         09:00 – 17:00: FWT Event Village (Planells 2.020 m), Expo fotografica, Photo wall, DJ set, après-ski

·         15:00 – 15:30: Projeccion d’Audi Road trip (Planells 2.020 m)

·         15:30 – 16:00: Ceremònia de liurament de prèmis FWT (EV – Planells 2.020 m)

           ORDINO

·         18:30 – 19:00: Session de signatures des riders de FWT (Plaça Major)

·         19:00–19:30: Presentacion Oficiau FWT (Plaça Major)

 

FluixNo està malamentEstà beAquest em serveixFantàstic Puntuació: 4,00 de 5 - 1 Vots
Carregant ... - 997 visites
[ Valora aquesta informació fent clic als estels ]
Si t'agrada aquest canal informatiu subscriu-te al RSS !
NOTA: El comptador de visites està actiu des de 02-2016
0 Flares Twitter 0 Buffer 0 Facebook 0 Email -- 0 Flares ×