Eth Conselh Generau d’Aran repartís a toti es clubs d’espòrts d’iuèrn materiau d’animacion tara Copa deth Mon SBX FIS
Damb motiu dera finau dera Copa deth Mon de SBX FIS qu’aurà lòc en Baqueira Beret aguesta pròplèu dimenjada, 19 e 20 de març, s’a facilitat a toti es clubs d’espòrts d’iuèrn dera Val d’Aran materiau d’animacion entà crear ambient en village deth Plan de Beret.
Era organizacion deth Campionat deth Mon de SBX meterà servici d’autobusi enquiath Plan de Beret es dies 19 e 20 de març. Eth servici a connexion en Baqueira damb es rotes deth transpòrt intèrn dera Val d’Aran
Eth Conselh Generau d’Aran e Torisme Val d’Aran a trauès deth Departament d’Espòrts d’Aran contactèc e a convidat a toti es clubs d’espòrts d’iuèrn dera Val d’Aran entà hèr-les partícips d’aguesta pròva unica e les a facilitat aguesti dies materiau d’animacion entà crear ambient en village deth Plan de Beret. Aguest materiau tanben se les facilitarà as assistents.
Autobusi enquia Beret
Era organizacion deth Campionat deth Mon de SBX meterà servici d’autobusi enquiath Plan de Beret es dies 19 e 20 de març. Eth servici a connexion en Baqueira damb es rotes deth transpòrt intèrn dera Val d’Aran. Oraris:
Dissabte, 19 de març
Baqueira – Beret 8:30 ores
Baqueira – Beret 9:30 ores
>Beret – Baqueira 15:00 ores
Dimenge, 20 de març
Baqueira – Beret 10:30 ores
Baqueira – Beret 11:30 ores
Beret – Baqueira 15:00 ores
Un Village ena mèta damb fòrça animacion
Entath diuendres d’entrenaments, eth dissabte de classificatòries e es finaus deth dimenge, ei tot dessenhat pr’amor qu’es espectadors que vagen tad eveniment gaudisquen d’ua autentica hèsta. Entad açò s’an preparat diuèrses activitats e animacions paralleles u’auràn lòc en un Village plaçat a pè de pistes en Plan de Beret. Poderàn trobar-se enquia dotze carpes de diferentes mèrques entà mostrar ath public es darrères nauetats en materiau e tanben serà ua excellenta oportunitat entà dar conéisher er inigualable entorn qu’entornege era estacion: era beutat deth païsatge, era riquesa deth patrimòni romanic e es exquisideses dera sua gastronomia, atau coma es multiples e atractiues opcions d’après-ski. Des deth village se divulgaràn es diferentes rotes e lòcs entà visitar e s’aufriràn productes dera marca de garantia Val d’Aran, atau coma ua mòstra des plats tipics dera codina aranesa.
Atau madeish, en tot coïncidir damb era finau dera Copa deth Mon de Snowboard eth dissabte, 19 de març, aurà lòc ua naua edicion d’Era Òlhadaen village (Plan de Beret) a on se poderà degustar eth plat mès tradicionau dera Val d’Aran, era òlha aranesa.
E entà méter punt finau ar eveniment, eth dimenge a compdar des 14:30 en Village se celebrarà era hèsta de clausura damb un DJ convidat e fòrça mès suspreses!
Puntuació: 3,00 de 5 - 1 Vots
Carregant ... - 1.158 visites[ Valora aquesta informació fent clic als estels ]
Si t'agrada aquest canal informatiu subscriu-te al RSS !
NOTA: El comptador de visites està actiu des de 02-2016
