El Conselh Generau d’Aran presèrve era cistèrna deth Casteth Leon
- Era cistèrna deth Casteth Leon d’Es Bòrdes siguec desenterrada enes òbres de prospeccion arqueologica, en tot deishar ath descorbit eth morter de calç que corbís es paraments interiors, entà per’mor de garantir era estanquitat dera madeisha.
Enes darrèri ans s’an detectat actes de vandalisme, en tot tirar pèires e d’auti objèctes ar interior dera cistèrna deth Casteth Leon d’Es Bòrdes. Tanben part deth pròpri mur de coronacion l’an hèt a quèir ar interior, en tot des·hèir part des arrincades der arc qu’encara èren en pè. Es inclemències meteorologiques tanben an causat damatges.
Entà protegir aguesta situacion, eth Conselh Generau d’Aran, per miei dera empresa Servicis Ambientaus dera Val d’Aran (SAVA S.L.), a enterrat era cistèrna damb sable combinat damb sacs de ròba d’Arlita (arguila espandida), entà per’mor de facilitar es òbres d’enterrament e desenterrament futur s’eth dia de deman se volesse desenterrar, donques qu’era cistèrna ei a uns 70m deth punt mès pròpèr d’accès rodat.
Eth sindic d’Aran, Carlos Barrera a manifestat “damb aguesta accion era cistèrna torne ath sòn estat anterior, dejà s’a documentat eth sòn estat, ubicacion, dimensions,… en tot corbir-la se garantís era sòn manteniment coma auie passat enquiath moment de descorbir-la, tanben protegim es paraments interiors dera madeisha, inclús des gelades”.
Era cistèrna deth Casteth Leon d’Es Bòrdes siguec desenterrada enes òbres de prospeccion arqueologica, en tot deishar ath descorbit eth morter de calç que corbís es paraments interiors, entà per’mor de garantir era estanquitat dera madeisha.
Eth Casteth Leon, en un tucò estrategicament plaçat sus era confluéncia des arrius Garona e Joeu, siguec era principau fortificacion dera Val d’Aran, des de 1283 quan siguec bastida pes francesi que jos es ordes deth senescau de Tolosa, Eustaqui de Beaumarchais, aucupèren en aguest moment era Val d’Aran e enquiara sua des-hèta definitiva en 1719.
Eth castèth siguec era sedença deth gobernador, representant militar e cap dera administracion reiau en Aran. En sègle XVI, es guèrres que Carles I e Felip II d’Espanha amièren contra França, convertiren Castèth Leon en ua des mès importantes fortaleses dera termièra. Entà pr’amor d’aquerò, eth castèth siguec objècte de diuèrses e plan importantes òbres de refortilhament. En sègle següent, en cors des guèrres des Segadors (1640-1652) e de Succession (1701-1715) eth castèth siguec scenari de sagnoses lutes.
Puntuació: 4,00 de 5 - 1 Vots
Carregant ... - 1.233 visites[ Valora aquesta informació fent clic als estels ]
Si t'agrada aquest canal informatiu subscriu-te al RSS !
NOTA: El comptador de visites està actiu des de 02-2016
