Gessuda entà conéisher melhor es ambients aquatics dera Val d’Aran
- Era gessuda aurà lòc aguest dissabte, dia 10 de seteme, en Plan de Beret.
- Entara inscripcion, sonque cau enviar un mail damb es vòstes donades a: c.madruga@aran.org o en tot telefonar ath Conselh Generau d’Aran, tel. 973 64 18 01, e demanar per Cristina Madruga.
Eth Departament d’Agricultura, Ramaderia e Medi Naturau deth Conselh Generau d’Aran, a organizat entath pròplèu dissabte, dia 10 de seteme, ua gessuda entà conéisher melhor era vegetacion des hanhassi e morassi(ambients aquatics de montanha) deth nòste territòri.
Era gessuda anarà a cargue deth grop de Geobotanica e Cartografia dera vegetacion dera Universitat de Barcelona e s’enquadre laguens deth projècteLIFE + NATURA LIMNOPIRINEUS, deth quau eth Conselh Generau d’Aran ne forme part.
Aguesta gessuda s’adrece ad aqueres persones qu’agen interés en ampliar eth sòn coneishement en medi naturau, e non cau auer coneishements previs sus es matèries. Entara inscripcion, sonque cau enviar un mail damb es vòstes donades a: c.madruga@aran.org o en tot telefonar ath Conselh Generau d’Aran, tel. 973 64 18 01, e demanar per Cristina Madruga.
Mès informacion al web: life limno pirineus
Puntuació: 4,00 de 5 - 1 Vots
Carregant ... - 1.485 visites[ Valora aquesta informació fent clic als estels ]
NOTA: El comptador de visites està actiu des de 02-2016