6 podiums entath Club Atletic Val d’Aran Natacion ena prumèra gessuda dera sason en Aigües Dubèrtes
Mès de 500 nedadors participèren ena 3au Marnaton eDreams Barcelona, era prumèra pròva deth calendari de rèptes ena mar dera Vau Copa MARNATON eDreams.
17 nedadors deth club aranés CAVA SWIM TEAM participèren e poderen celebrar 6 podiums.
Eth passat dissabte, dia 7 de mai, 17 nedadors deth club aranés CAVA SWIM TEAM participèren ena 3au Marnaton eDreams Barcelona, era prumèra pròva deth calendari de rèptes ena mar dera Vau Copa MARNATON eDreams. Per rasons meteorologiques qu’anonciauen vents d’èst e nòrd-èst, ondades de mès d’1 mètre e ploges que dificultauen era visibilitat, era pròva cambièc d’ubicacion e se traslladèc dera Plaja de Sant Sebastian, en Club Natacion Barcelona, ath Canal Olimpic de Castelldefels entà garantir as participaires eth poder nadar en excellentes condicions de seguretat.
Maugrat era ploja, mès de 500 marnatonians poderen nadar e completar damb èxit totes es pròves, en tot gaudir d’un nau entorn e d’un recorregut perfèctaments condicionat en Canal Olimpic de Castelldefels.
Eth club aranés, CAVA SWIM TEAM, celebrèc 6 podiums ena Marnaton Kids e era torbada un còp mès damb era campiona deth mon d’AA OO, Esther Núñez.
Es nedadors ena categoria Escórpores (2008-2007) damb ua distància de 100m, sigueren Alba Barbeitos Rodríguez, Bertrand Sirat Calvo e Ariadna Boya Jaquet classificada en 3au lòc.
Es nedadors ena categoria Barracudes (2006-2005), damb ua distància de 200m, sigueren Andrea Ros Moga, Aone Landa Gil e Lluc de Castellarnauclassificat en 1èr lòc, Marc Ubeira classificat ena 2au posicion e Pablo Morenoclassificat ena 3au posicion.
Fin finau, es dues nedadores dera categoria Dofins (2004-2003), damb ua distància de 500m, celebrèren eth 1èr lòc d’Helena Revelles Díaz e era 2au posicion de Dhana Pérez Martínez.
Per un aute costat, 7 infantils deth CAVA SWIM TEAM, amassa damb era sua entrenadora Mireia Suesta Vila, participèren enes relèus absoluts de 8×500, pròva ena quau equipes de 4 nedadors an de corbir ua distància de 2000m en relèus de 500m. Aguesti nedadors sigueren Álvaro Ariño Cabau, Haròld Pi Puente, Lluc Domènech Cabrera, Aleix Filloy Cavero, Jana Fernández Barés, Jana Ros Moga e Júlia Domènech Cabrera.
Puntuació: 4,00 de 5 - 1 Vots
Carregant ... - 1.709 visites[ Valora aquesta informació fent clic als estels ]
Si t'agrada aquest canal informatiu subscriu-te al RSS !
NOTA: El comptador de visites està actiu des de 02-2016
