Barrament parciau deth Parcatge des Militars de Vielha entà era celebracion dera Rodibook
Ei prevista era arribada de més de 1000 persones entre participants, organizacion e acompanhants
Aguest diuendres se celebrarà en Vielha la V Rodibook, ua concentracion de mototurisme damb 800 participants, que gesseran e arribaran a Vielha eth pròpleu dissabte
Rodibook ei un eveniment de mototurisme non competitiu damb un itinerari surpresa e que cambie segontes cada edicion. Eth participant ac descorbís damb era unica ajuda d’un libre de ruta, ‘roadbook’, en tot aué de passar pes punts de contraròtle establerti.
Ath delà des participants, Vielha tornarà a auer complets es sòns establiments otelèrs, tot gràcies ara visita des mototuristes, es sòns acompanhants e era organizacion der eveniment
Per tot açó, er Ajuntament de Vielha e Mijaran, barrarà pendent aguesta setmana part deth Parcatge des Militars entà poder premanir es instalacions que an de besonh.
Des der Ajuntament de Vielha e Mijaran sollicitam s’acepten per endeuant es disculpes pes molèsties que se poguen ocasionar dat aguest barrament e s’arregraís era collaboracion de toti es sòns vesins entà poder amiar a tèrme aguest eveniment que pòt èster plan important entara economia deth nòste pais.
Puntuació: 4,00 de 5 - 1 Vots
Carregant ... - 1.140 visites[ Valora aquesta informació fent clic als estels ]
Si t'agrada aquest canal informatiu subscriu-te al RSS !
NOTA: El comptador de visites està actiu des de 02-2016
