Astrid Fina e Oier Zabala finalizen 6 competicions

0 Flares Twitter 0 Buffer 0 Facebook 0 Email -- 0 Flares ×

Astrid Fina e Oier Zabala finalizen es sies competicions de boardercross deth circuit american IPC

Astrid Fina e Oier Zabala apertanhen ath Centre de Naut Rendiment d’Espòrts d’Iuèrn Adaptat (CDIA).

Era Equipa Nacionau de Snowboard Adaptat, damb es esportistes Astrid Fina e Oier Zabala en aguesta escadença, an finalizat es sies competicions de boardercross deth circuit american IPC.

Es pròves se realizèren enes estacions d’Aspen-Snowmass (Colorado, USA) e Big White (British Columbia, Canadà). En cada estacion se realizèren tres carrères, era prumèra tostemp ua Continentau Cup (CÒDI NORAM) e es dues següents de categoria World Cup (WC).

Dempús des boni resultats ena prumèra competicion deth circuit celebrat en Landgraaf (Olanda) es dus riders nacionaus participèren enes sies competicions americanes contra atletes de tot eth mon e nivèus.

Es sòns resultats sigueren, Oier Zabala: 10au CoC Aspen (117 punts CoC); 10au e 11au enes dus WC Aspen (260 p.- 240 p.). 2n CoC Canadà (40 p.); 11au e 8au WC Canadà (240 p.- 320p.). En cas d’Astrid Fina: 5au CoC Aspen (225 punts CoC); 5au ambdues WC Aspen (450 p.- 450 p.). 3a CoC Canadà (0 p.); 6au e 5au WC Canadà (400 p.- 450p.). Era progression que presenten per çò que tanh des auti riders ei fòrça positiva en tot èster cada còp a mens segons o desenes des sòns rivaus.

 

Era gira americana finalizèc damb es dues darrères pròves de Banked Eslalom en Big White. La CoC se suspenec peth mau temps eth dia 11 de hereuèr. Es dues competicions se realizèren eth dissabte 12 de hereuèr en un circuit qu’integraue es torns d’eslalom laguens d’un pipe naturau e en tot adoptar es tres darrèri torns e era arribada deth circuit de SBX. Es esportistes nacionaus participèren en ambdues carrères en tot arténher es següents resultats: Oier Zabala: 4au CoC BS (70 punts CoC); 13au WC BS (200 p.). En cas d’Astrid Fina: 1a CoC BS B.White (100 punts) en tot èster era unica competidora d’aguesta categoria mès en tot arténher peth prumèr còp temps dera competicion NORAM de ‘mens upper-limb’; D.N.F. ena WC de BS (0 p.).

astrid-oier
Astrid Fina e Oier Zabala

Eth CDIA ei un centre de naut rendiment, deteccion de talents, tecnificacion d’esportistes e formacion de tecnics esportius especialistes en espòrts d’iuèrn entà persones apertanhentes as Federacions Espanhòles de Discapacitats Fisics e Paralisi Cerebrau.

Gràcies as sòns patrocinadors, institucions e collaboradors: era Fundación Repsol, eth Consejo Superior de Deportes, eth Comité Paralímpico Español, eth Conselh Generau d’Aran, era Deputacion de Lleida, Ajuntament de Naut Aran, Consell Català de l’Esport e damb era collaboracion d’Elan Esquís, Medilast, Mountain Padel Gim e Iberian Sportech entre d’auti, amien a tèrme cada an un trabalh multidireccionau que preten hèr arribar es espòrts d’iuèrn adaptat a totes es persones damb discapacitat e possibilitar as melhors arribar a apertanher ara Equipa Nacionau e hèr concurréncia ath maximal nivèu internacionau.

Es sòns programes esportius van des dera tecnificacion ath naut rendiment, ath que se somen activitats de promocion der espòrt entà toti, hemna e espòrt adaptat, deteccion e formacion de talents e organizacion de competicions nacionaus.

FluixNo està malamentEstà beAquest em serveixFantàstic Puntuació: 4,00 de 5 - 1 Vots
Carregant ... - 1.028 visites
[ Valora aquesta informació fent clic als estels ]
Si t'agrada aquest canal informatiu subscriu-te al RSS !
NOTA: El comptador de visites està actiu des de 02-2016
0 Flares Twitter 0 Buffer 0 Facebook 0 Email -- 0 Flares ×