Er aranés, Álex Puente Tasias, participarà enes finaus dera Copa d’Euròpa
• Deth 15 ath 17 de març se disputaràn en La Molina es pròves finaus de gigant e eslalom deth circuit de Copa d’Euròpa.
Era Reiau Federacion Espanhòla Espòrts Iuèrn (RFEDI) a convocat a 12 esquiaires entà disputar es pròves que culminaràn eth circuit europèu d’esquí aupin ena estacion de La Molina. Era dimenjada passada se profitèren es pròves FIS celebrades en Espot entà seleccionar a set promeses U21, ath delà des cinc esquiaires des estructures dera RFEDI.
Er aranés, Álex Puente (FCEH- CAEI) ei un des cinc representants dera equipa nacionau dera RFEDI.
Ar aranés l’acompanharàn, entre d’auti, es corredors deth Club Aranés Espòrts Iuèrn (CAEI) e dera FCEH: Aingeru Garay, Mirentxu Miquel, Clara López e Júlia Bargalló, esquiaira des estructures dera RFEDI.
Eth Conselh Generau d’Aran e Torisme Val d’Aran signèren un convèni de patrocini damb er esquiaire professionau aranés, Álex Puente Tasias, entà promòir era destinacion toristica esportiua Val d’Aran peth mon, representada ena imatge e enes valors der esportista e dera equipa que hè part.
Puntuació: 3,00 de 5 - 1 Vots
Carregant ... - 1.151 visites[ Valora aquesta informació fent clic als estels ]
Si t'agrada aquest canal informatiu subscriu-te al RSS !
NOTA: El comptador de visites està actiu des de 02-2016
