Ajuts deth programa “Leader”

0 Flares Twitter 0 Buffer 0 Facebook 0 Email -- 0 Flares ×

Presenten ena Val d’Aran es ajuts deth programa “Leader”

  • Eth termini de presentacion des ajudes finalizarà eth pròplèu 21 de març.
  • Es persones interessades se pòden informar sus es ajudes ena sedença deth Conselh Generau d’Aran en tot demanar ora. 

Eth Conselh Generau d’Aran a presentat as microempreses, petites e mejanes empreses dera Val d’Aran es naues ajudes europèes LEADER 2016, que per prumèr còp se ne poderàn beneficiar toti es particulars dera Val d’Aran interessadi en impulsar un projècte empresariau generador d’activitat economica, atau coma es ajuntaments dera Val d’Aran.
En 2015 eth Govèrn d’Aran artenhec materializar aguest hèt reivindicat pera Val d’Aran, qu’a de supausar un impuls important ath desvolopament economic deth territòri.

leader_conselhèra

Eth Departament d’Agricultura, Ramaderia, Pesca e Alimentacion (DARP) dera Generalitat de Catalonha, a seleccionat 11 Grops d’Accion Locau (GAL) Leader, entà aplicar eth desvolopament locau participatiu Leader en marc deth Programa de Desvolopament Rurau ( PDR) de Catalonha 2014-2020.

Un des objectius principaus des GAL ei era dinamizacion territoriau e era divulgacion des sòns projèctes mès estrategics e bones practiques, amassa damb era gestion des ajudes, que convòque annauments eth DARP entà fomentar era realizacion d’inversions que genèren activitat economica enes zònes ruraus e fomenten era creacion e/o mantenença de lòcs de trabalh, principauments de hemnes e de joeni, en accions de melhora des procèssi de transformacion e comercializacion des productes agraris, creacion e desvolopament de microempreses, foment d’activitats toristiques, e conservacion e melhora der auviatge rurau.

En paraules dera conselhèra de Torisme e Desvolopament Economic d’Aran,Anna Díaz “damb aguesta presentacion volem dar a conéisher es ajuts LEADER que s’apliquen en estratégies de desvolopament rurau, e mès concretaments ena creacion e desvolopament de microempreses, foment d’activitats toristiques e conservacion e melhora deth patrimòni rurau”.

Díaz a hijut “es ajuts Leader pretenen fomentar era realizacion d’inversions que genèren activitat economica damb accions adreçades a  fomentar era reactivacion economica e era creacion d’aucupacion”.

Es persones interessades se pòden informar sus es ajudes ena sedença deth Conselh Generau d’Aran en tot demanar ora damb Judit Jaquet enj.jaquet@aran.org o en tel. 973 64 18 01.

FluixNo està malamentEstà beAquest em serveixFantàstic Puntuació: 3,00 de 5 - 1 Vots
Carregant ... - 953 visites
[ Valora aquesta informació fent clic als estels ]
Si t'agrada aquest canal informatiu subscriu-te al RSS !
NOTA: El comptador de visites està actiu des de 02-2016
0 Flares Twitter 0 Buffer 0 Facebook 0 Email -- 0 Flares ×