Aingeru Garai 4au en gigant deth Mondiau Escolar d’Esquí 2016

0 Flares Twitter 0 Buffer 0 Facebook 0 Email -- 0 Flares ×

Aingeru Garai, Marc Montes, Albert Ortega, Ramon Barrufet e Andrés Fornesa, deth Centre de Tecnificacion dera Val d’Aran se tròben en L’Aquila (Itàlia) en tot disputar eth Mondiau Escolar d’Esquí 2016 en representacion der IES d’Aran.

Cinc esquiaires d’esquí aupin deth Centre de Tecnificacion dera Val d’Aran (CETEI) qu’estúdien en IES d’Aran se tròben en L’Aquila en tot participar en Mondiau Escolar d’Esquí 2016.

Aguest campionat, que se celèbre aguesta setmana enquiath 27 de hereuèr, amasse a uns de 550 esportistes e 150 acompanhaires entre tecnics e delegats provenenti de 15 païsi, principauments europèus.



Ager, 24 de hereuèr, auec lòc er eslalom gigant, e Aingeru Garai se hec damb era 4au posicion.

RFEDI-GROP-MONDIAU
RFEDI GROP MONDIAU

Es scenaris de competicion son es estacions d’esquí de Camp Felice e Ovindoli Monte Magnola.

Eth Centre de Tecnificacion Esportiua d’Espòrts d’Iuèrn dera Val d’Aran (CETEI), restacat ara Reiau Federacion Espanhòla d’Espòrts d’Iuèrn (RFEDI) e ara Federacion Catalana d’Espòrts d’Iuèrn (FCEH), a coma objectiu ajudar ara progression de joeni promeses e velhar pera sua formacion integrau. Es esportistes seleccionadi arreceben formacion tecnica/esportiua e academica, ath delà d’un seguiment medicau/psicologic entà garantir un estat de salut adaptada entara practica esportiua e ua gessuda professionau de futur.

Eth Centre ei compausat per esportistes qu’estúdien Bachillerat causa que les permet incorporar-se enes programes deth CETEI d’esquí aupin subvencionat e patrocinadi peth Conselh Generau d’Aran. Ath delà, der esquí de hons e diferentes especialitats individuaus de gèu, coma eth patinatge artistic.

Era formacion academica la realizen en IES d’Aran e ath delà compden damb eth gran supòrt de Baqueira Beret, ua des estacions d’esquí mès prestigioses deth mon, a on es compausants deth CETEI an installat eth sòn camp base.

Eth Conselh Superior d’Espòrts dèc eth vist e platz ara creacion deth Centre Especializat ena Tecnificacion Esportiua d’Espòrts d’Iuèrn dera Val d’Aran, prebotjat peth Conselh Generau d’Aran que se cargue de gerí’c.

FluixNo està malamentEstà beAquest em serveixFantàstic Puntuació: 4,00 de 5 - 1 Vots
Carregant ... - 1.404 visites
[ Valora aquesta informació fent clic als estels ]
Si t'agrada aquest canal informatiu subscriu-te al RSS !
NOTA: El comptador de visites està actiu des de 02-2016
0 Flares Twitter 0 Buffer 0 Facebook 0 Email -- 0 Flares ×