Agropacion de ramats ena Val d’Aran
• Aguest pròplèu dissabte, dia 28 de mai, era conselhèria d’Agricultura, Ramaderia e Medi Naturau deth Conselh Generau d’Aran, amiarà a tèrme era agropacion de ramats ena Val d’Aran.
Aguesta ei ua actuacion prebotjada peth Conselh Generau d’Aran, que s’harà cargue autant deth transpòrt des oelhes, deth salari deth pastor, manteniment des pistes atau coma eth manteniment des cabanes (Calhaus e Montoliu).
Era finalitat dera agropacion de ramats, ei minimizar es danhs que pòt causar enes ramats era fauna sauvatge, e en aguest cas protegir des possibles atacs der os, es ramats de oelhes e crabes dera Val d’Aran.
Era agropacion de ramats s’harà ena montanha de Montoliu, plaçada en pòble de Bargergue, en tèrme municipau de Naut Aran.
Segontes eth conselhèr d’Agricultura, Ramaderia e Medi Naturau d’Aran, José Enrique Arró, ei previst que s’agropen un totau de 1.200 caps de oelhes e crabes aproximadament.
Puntuació: 4,00 de 5 - 1 Vots
Carregant ... - 1.028 visites[ Valora aquesta informació fent clic als estels ]
Si t'agrada aquest canal informatiu subscriu-te al RSS !
NOTA: El comptador de visites està actiu des de 02-2016
