Naua edicion dera setmana deth caviar ena Val d’Aran deth 14 ath 20 de març
Ueit restaurants aranesi presenten menus damb eth caviar que s’elabòre ena Val d’Aran.
Eth caviar ei laguens dera Marca Garantia Val d’Aran.
A compdar dera pròplèu setmana, deth 14 ath 20 de març, ueit restaurants aranesi an previst sorpréner as sòns clients damb menus enes quaus eth caviar serà eth protagonista. Era Setmana deth Caviar a coma intencion potenciar aguest producte que s’elabòre ena Val d’Aran a compdar der an 1999 e que dejà a obtengut era reconeishença de codinèrs e gastrònoms. Es menus van des 32€ as 48€.
Es restaurants que participen son: Restaurante Bòrda Lobató, Restaurant Casa Pau, Restaurant Era Coquèla, Restaurant Era Mòla, Restaurant Es Arraïtzes, Restaurant Hotel Tuca, Restaurant Pirineu Gourmet- Eth Cerèr der Urtau e Restaurant Roc’n Cris.
Era piscifactoria de Caviar Nacari se tròbe en arriu Garona, en municipi de Les. Era qualitat e era puresa dera aigua, que proven deth desgèu, hè que s’obtengue un caviar fresc d’excellenta qualitat. Eth procès entara sua elaboracion ei artesanau e se base en metòdes tradicionaus.
Eth caviar ei laguens dera Marca Garantia Val d’Aran.
“Damb aguest tipe d’eveniment çò que volem ei potenciar eth torisme gastronomic damb productes elaborats ena Val d’Aran” a manifestat Anna Díaz, conselhèra de Torisme e Desvolopament Economic d’Aran.
Puntuació: 3,00 de 5 - 1 Vots
Carregant ... - 1.373 visites[ Valora aquesta informació fent clic als estels ]
Si t'agrada aquest canal informatiu subscriu-te al RSS !
NOTA: El comptador de visites està actiu des de 02-2016
