XVIIIau edicion deth cicle de visites- concèrt ROMANIC MUSICAU ena Val d’Aran damb sabor ath compositor e pianista lheidatan Enrique Granados
Era Val d’Aran acuelherà pendent es mesi de junhsèga, agost e seteme eth cicle de visites- concèrt Romanic Musicau. Ua formula que combine explicacions sus es glèises romaniques dera Val d’Aran damb concèrts de musica classica.
Era iniciatiua de Foment Torisme Val d’Aran preten apropar as toristes era istòria deth sòn patrimòni pr’amor que poguen compréner era evolucion des monuments que relacionadi damb es sues costums e tradicions. Era activitat se distribuís en dues parts, en tot èster era prumèra un audiovisuau, sus era glèisa a on s’amie a tèrme eth concèrt, comentat per part dera istoriana, Elisa Ros, expèrta en romanic aranés, entà seguir damb eth concèrt de musica classica.
Ei ua activitat gratuïta patrocinada peth Conselh Generau d’Aran e Foment Torisme Val d’Aran, damb era collaboracion der Institut d’Estudis Ilerdencs e der Arxiprestat dera Val d’Aran, que refortilhe eth programa de visites guidades ath patrimòni creat peth Conselh Generau d’Aran.
Eth programa d’aguesta edicion realize un recorregut pes glèises:
Dia 29 de junhsèga en Era Purificacion de Maria de Bossòst.
Dia 5 d’agost ena Santa Maria de Cap d’Aran de Tredòs.
Dia 12 d’agost en Sant Blas de Les.
Dia 19 d’agost en Sant Andrèu de Salardú.
Dia 26 d’agost en Santa Maria d’Arties.
Dia 2 de seteme en Sant Miquèu de Vielha.
Puntuació: 4,00 de 5 - 1 Vots
Carregant ... - 1.100 visites[ Valora aquesta informació fent clic als estels ]
Si t'agrada aquest canal informatiu subscriu-te al RSS !
NOTA: El comptador de visites està actiu des de 02-2016
