Presentacion deth nau centre educatiu ena Val d’Aran “Metòde Kids&Fun”
Era sedença deth Conselh Generau d’Aran a acuelhut era presentacion deth nau centre educatiu dera Val d’Aran “Metòde Kids&Fun”, metòde innovador centrat eth corbir uns besonhs que son fòrça presents enes prumères etapes dera vida des mainatges e mainades.
Era presentacion a anat a cargue dera fondadora deth “Metòde Kids&Fun”,Montse López, e der assessor deth projècte AIM-SOLO discover your talent,Ignasi Muntanya.
En paraules de Montse López “volem ajudar ad aqueri pairs e mairs que per motius laboraus e fauta de temps non pòden dedicar tot eth temps que volerien as sòns hilhs, e a conseqüéncia d’açò, era sua educacion e conducta se pòden veir afectades. Eth metòde Kids&Fun ei basat en metòde educatiu finés, a on es mainatges e mainades an era maximala libertat, aprenen en tot jogar e an ua motivacion intrinsèca per aprendissatge, en tot respectar es nòrmes de conducta e conviuéncia”.
López a hijut “utilizaram era lengua anglesa coma lengua veïculara e de comunicacion entre toti entà per’mor que normalizen eth sòn usatge. Refortilharam er estudi, era lectura e era escritura de forma ludica, haram activitat fisica damb finalitat educatiua, en tot potenciar es abiletats motrius basiques, trabalharam es emocions, en tot utilizar estrategies didactiques divertides entà suprimir situacions de sètge e obtíer un caractèr positiu e optimista. Entre d’auti, tanben trabalharam es TIC e es hilats sociaus, e era musica serà era nòsta grana aliada, per’mor qu’ajude a estimular eth cervèth e cree grani beneficis a nivèu animic”.
Aguest nau centre educatiu “Metòde Kids&Fun”, plaçat en Vielha, a estat fondat per Montse López e Marc Vendrell, dus mèstres graduats en educacion primària e especializat en lengua anglesa e educacion fisica respectivaments.
Puntuació: 4,50 de 5 - 2 Vots
Carregant ... - 1.409 visites[ Valora aquesta informació fent clic als estels ]
Si t'agrada aquest canal informatiu subscriu-te al RSS !
NOTA: El comptador de visites està actiu des de 02-2016
