Eth Govèrn d’Aran invertirà 100.000€ ena limpiesa des camins forestaus dera Val d’Aran
- Era mesura deth Govèrn d’Aran ei adreçada entà garantir er accès as paratges mès emblematics dera Val d’Aran
Eth Conselh Generau d’Aran, per miei dera empresa Servicis Ambientaus dera Val d’Aran (SAVA, S.L.) desvolope un plan de limpiesa de camins forestaus pes afectacions produsides ath long deth iuèrn passat ena montanha.
Aguesta intervencion afècte a camins de tota era Val d’Aran (connexions entre pòbles e rutes toristiques pes dus costats,…) er espaci dera actuacion son camins vesiaus, pistes forestaus e limpiesa dera vegetacion enes airaus recreatius.
Eth conselhèr d’Agricultura, Ramaderia e Medi Naturau d’Aran, Jose Enrique Arró, a explicat “damb aguest plan de limpiesa des camins forestaus volem garantir er accès des persones as paratges mès concorregudi deth nòste país”.
Eth Govèrn aranés trabalharà enes camins damb retroexcavadores entara canalizacion der aigua e era extraccion de materiau acumulat coma arrames e pèires. Es operaris trabalharàn ena limpiesa e desbrossament manuau ara fin de poder retirar petiti esbaussi produsidi pera nhèu o eth desgèu.
Puntuació: 4,00 de 5 - 1 Vots
Carregant ... - 1.099 visites[ Valora aquesta informació fent clic als estels ]
Si t'agrada aquest canal informatiu subscriu-te al RSS !
NOTA: El comptador de visites està actiu des de 02-2016
