Eth Conselh Generau d’Aran organize ua jornada de poda en poma de montanha
• Era jornada, qu’ei gratuïta, aurà lòc eth 29 de març ena sedença deth Conselh Generau d’Aran.
Eth Govèrn d’Aran, a trauès deth sòn Departament d’Agricultura, Ramaderia e Medi Naturau, a organizat ua jornada de poda en poma de montanha. Aguesta jornada, que compde damb eth supòrt deth Departament d’Agricultura, Ramaderia, Pesca e Alimentacion dera Generalitat de Catalonha, se centre en prètzhèt dera recuperacion e es potencialitats de naui productes ath torn des varietats locaus de fruta ena Val d’Aran.
Era jornada compdarà damb era preséncia deth sindic d’Aran, Carlos Barrera e deth conselhèr d’Agricultura, Ramaderia e Medi Naturau d’Aran, Jose Enrique Arró.
En paraules deth conselhèr Jose Enrique Arró, “era jornada a coma objectiu aportar coneishements tant teorics coma practics sus era poda dera pomera a on ena Val d’Aran aguest coitiu a estat des d’epòques immemoriaus e encara n’ei plan presenta”.
Era jornada que se realizarà eth 29 de març en Conselh Generau d’Aran en Vielha serà gratuïta mès se cau inscríuer previament en tot contactar damb:
Tanben vos podetz inscríuer a trauès deth servici de preinscripcions a jornades deth PATT deth portau RuralCat: www.ruralcat.net/preinscripcionspatt
Puntuació: 4,00 de 5 - 1 Vots
Carregant ... - 1.141 visites[ Valora aquesta informació fent clic als estels ]
Si t'agrada aquest canal informatiu subscriu-te al RSS !
NOTA: El comptador de visites està actiu des de 02-2016
