Dimenjada d’aigües dubèrtes tath CAVA SWIM TEAM
Aguesta passada dimenjada, 17 e 18 de seteme, eth CAVA (Club Atletic Val d’Aran) SWIM TEAM clausurèc era sason 2015/2016 damb ua gessuda de dus dies entà practicar era natacion en aigües dubèrtes.
Eth dissabte, es 9 nedadors dera equipa participèren ena darrèra pròva dera Copa Marnaton en Cadaqués, ua jornada dura a causa dera tramontana e des baishes temperatures.
Eth júnior Haròld Pi e es infantils Aleix Filloy e Jana Ros participèren ena distància de 2.500m, era alevina Dhana Pérez en 400m, es benjamins Aone Landa e Pablo Moreno en 200m, es prebenjamins Alba Barbeitos e Bertrand Sirat en 100m e eth miniprebenjamn Eric Barbeitos en 50m. Andrea Ros non podec participar a causa d’ua lesion.
Per çò que tanh ath dimenge, 7 nedadors se desplacèren tà Banyoles entà participar ena 73au Trauèssa ar Estanh, ua des Trauèsses mès emblematiques deth calendari dera FCN, damb era participacion de lèu 2.000 nedadors.
Eth benjamin Pablo Moreno participèc ena Trauèssa des Petiti en tot completar ua distància de 400m, era benjamina Aone Landa participèc ena Trauèssa de Menors damb ua distància de 1.000m, e ena Trauèssa Generau, de 2115m participèren es infantils Aleix Filloy e Jana Ros, eth júnior Haròld Pi, e es màters Nuria Nicolás e Montse Cuixart.
Puntuació: 4,00 de 5 - 1 Vots
Carregant ... - 1.162 visites[ Valora aquesta informació fent clic als estels ]
Si t'agrada aquest canal informatiu subscriu-te al RSS !
NOTA: El comptador de visites està actiu des de 02-2016
