Conferéncia “ Es colors des parpalhòles ”
• Era conferéncia anarà a cargue de Joan Condal e serà eth dimèrcles, dia 13 d’abriu entàs 17:00 ores ena Residéncia Sant Antòni de Vielha.
Eth Departament d’Agricultura, Ramaderia e Medi Naturau d’Aran a organizat era conferéncia “Es colors des parpalhòles” a cargue de Joan Condal. Er acte aurà lòc aguest dimèrcles, 13 d’abriu, entàs 17:00 ores en auditòri dera Residéncia Sant Antòni de Vielha.
Des der an 1994 Joan Condal aufrís activitats culturaus, exposicions e conferéncies, a entitats e ajuntaments. Actuauments són ja mès de tres-centes es exposicions hètes per diferents pòbles de Catalonha. En aguest temps s’a apropat a petiti e a grani, damb es experiéncies viscudes en viatges d’aventura e, damb toti eri, a descobèrt eth mon silenciós des parpalhòles, es tecniques e secrets des diorames e eth procès creatiu deth mon der artista.
En tot profitar eth pas de Joan Condal pes escòles dera Val d’Aran, s’aufrís aguesta conferéncia a tot eth public. Era conferéncia aprope as persones eth cicle biologic des parpalhòles des dera sua fasa larvaria ara fasa adulta, en tot descurbir aspèctes curiosi d’aguesti insèctes. Eth significat d’aguesti colors. Què són?. An es madeishi colors mascles e femèles?. Es colors són es madeishi dauant e darrèr des ales?….Tot açò explicat damb ua presentacion de diapositives e caishes entomologiques.
CARTELL
Puntuació: 4,00 de 5 - 1 Vots
Carregant ... - 1.240 visites[ Valora aquesta informació fent clic als estels ]
Si t'agrada aquest canal informatiu subscriu-te al RSS !
NOTA: El comptador de visites està actiu des de 02-2016
