En Santuari de Mijaran Concèrt Solidari contra era praubesa infantila
Eth Santuari de Mijaran dera Val d’Aran acuelherà eth dissabte, 6 d’agost, tàs 19:00 ores, un des 24 concèrts deth cicle “Musica contra era praubesa infantila” en benefici de Càritas. Es solistes e era Orquèstra UNESCO Barcelona dirigida per Gonçal Comellas seràn es interprèts. Era recaptacion deth concèrt se liurarà a Càritas.
Eth concèrt, a cargue deth quintet entà clarinet e còrdes de Mozart e eth quintet entà còrdes de Schubert a estat impulsat pera Fondacion Musica Solidària, era Fondacion Antigues Caixes Catalanes e eth Grop BBVA en tot júnher musica, solidaritat e compromís damb es persones e eth territòri. I collaboren er Avescat d’Urgell, eth Conselh Generau d’Aran e er Ajuntament de Vielha e Mijaran.
Es concèrts deth cicle “Musica contra era praubesa infantila” en benefici de Càritas arribaràn tà 24 localitats de Catalunya, en espacis emblematics coma era basilica de Montserrat, es monastèris de Santes Creus, Ripoll e Sant Cugat deth Vallès, es catedrales de Terrassa, Tortosa, Sant Feliu de Llobregat, Girona e La Seu d’Urgell. Tanben en lòcs a on non ei abituau poder-i escotar un concèrt sinfonic coma Tivissa, Cardona, Arenys o Besalú. Es beneficis dera venta d’entrades e es aportacions ena fila 0 se destinaràn as diferenti programes de Familha e Infància Càritas Catalunya, e especificaments a Càritas Urgell.
Eth 66% des familhes atengudes per Càritas an mainatges ath sòn cargue, e era entitat a acompanhat 940 mainatges e mainades e a invertit 67.188 èuros es libres e es bèques de minjador 26.514 èuros. 310 mainatges an estat atengudi en tot susvelhar deth renfortiment escolar. Actuauments, era praubesa infantila ei ua realitat.
Es mainatges hèn part des collectius mès desprotegits e damb mès risc de sofrir es conseqüéncies dera praubesa. En Catalunya i an 1.185.386 mainatges e mainades. Segons er IDESCAT, en 2014, era poblacion de mens de 16 ans que viu en risc de praubesa o exclusion sociau ei de 28,8% (360.700 mainatges), e 8,7% ja patís de privacion materiau severa.
VENTA D’ENTRADES E FILA 0
A part dera venta d’entrades, que se pòden aquerir en diuèrsi punts de Vielha e on-line a trauès dera web www.musicasolidaria.org, s’a abilitat ua Fila 0 entà persones e entitats que volguen hèr era sua aportacion, maugrat que non poguen assistir as concèrts.
Es aportacions se pòden hèr a trauès de transferéncia en compde corrent 0182-1799-29-0200018386, tant per internet coma trauès des burèus de BBVA e Catalunya Caixa.
Segons explique Albert Flotats, director de Fondacion Musica Solidària,“volem qu’aguesti concèrts siguen mès qu’uns excellenti espectacles musicaus. Volem qu’eth public gesque des nòsti concèrts convençudi qu’an collaborat en ajudar ath prètzhèt que desvolòpe Càritas e qu’era sua aportacion serà destinada as projèctes entà lutar contra era praubesa infantila”.
ETH PROJÈCTE MUSICAU E DE TERRITÒRI
Era orquèstra UNESCO Barcelona e es sòns solistes presenten en aguesti 24 concèrts un ample repertòri d’òbres que van des deth barròc enquia compositors deth sègle XX, tant es formacions d’orquèstra de cramba, sinfonica o es grops de cramba. Didem que tanben ei un projècte de territòri dat que volem hèr arribar aguesti concèrts per tot eth territòri catalan. En tot hèr arribar era musica a lòcs a on non i arribe tant soent e a persones que dificilaments apoiridien anar-i. Càritas dispausarà de 10 entrades de liura disposicion entà liurar entre persones que non i apoiridien accedir d’auta manèra, transcendint eth hèt estrictaments musicau.
DONADES D’INTERÈS DETH CONCÈRT EN VIELHA:
Data: dissabte 6 d’agost de 2016
Ora: 19:00 ores
Lòc: Santuari de Mijaran, Vielha e Mijaran
Prètz: 18 èuros
Punts de venta en Vielha
Càritas Vielha, Av. Maladeta, 14 Vielha
Burèu de Torisme, c/ Sarriulera, 10 Vielha
On-line a trauès de www.musicasolidariaria.org (sense comissions)
Eth dia deth concèrt: ua ora abans en Santuari de Mijaran
Programa
Quintet entà clarinet e còrdes en la major K 581 – W.A. MOZART
Quintet entà còrdes en do major D 956 – F. SCHUBERT
Bartolomé Genestar, clarinet
Maria Victoria Fernández, violin
Jordi Arròca, viòla
Alberto Reguera, violin
Noemí Pasquina, violoncel
Anna Comellas, violoncel
Puntuació: 4,00 de 5 - 1 Vots
Carregant ... - 1.371 visites[ Valora aquesta informació fent clic als estels ]
Si t'agrada aquest canal informatiu subscriu-te al RSS !
NOTA: El comptador de visites està actiu des de 02-2016
