Lutz verda as òbres de melhora de vies e mobiliari urban de toti es pòbles de Vielha e Mijaran
Er Ajuntament de Vielha e Mijaran a premanit e portat a terme un plan entara melhora de carrèrs e desperfectes entà suplir atau es retalhades des inversions que tant Generalitat com Estat an practicat enes ajuntaments
Eth Burèu Tecnic der Ajuntament de Vielha e Mijaran ja dispòse der informe “Accions de Conservacion des Vies Publiques deth Municipi de Vielha e es sues Pedanies“, qu’a estat elaborat per ua empresa extèrna e remase totes es incidéncies, tant enes vies publiques e eth materiau urban, de totes es poblacions de Vielha e Mijaran, senyalitzant, en tot marcar individuauments eth sòn estat actuau, localizacion, pressupòst de reforma e eth nivèu de prioritat d’accion.
Jacinto Cuny, còsso d’Infrastructures, Òbres e Servicis, a declarat “damb aguest detalhat informe ja podem començar es òbres de melhores des infrastructures des toti es municipis de Vielha e Mijaran d’ua forma adequada e damb es despenses a invertir contarotladi“.
Per çò qu’ei des dates e prioritats, “començaram dempús dera etapa deth Tour as pedanies, en tot actuar segons es prioritats mercades e en tot cercar era forma d’interferir, eth minim possible, ara sason estivau“.
Damb aguest informe, er Ajuntament de Vielha e Mijaran ja pòt actuar segontes es prioritats mercades, de major a menor importància, e damb un tracte exacte dera quantia a invertir en cadua d’eres.
Puntuació: 4,00 de 5 - 1 Vots
Carregant ... - 1.157 visites[ Valora aquesta informació fent clic als estels ]
Si t'agrada aquest canal informatiu subscriu-te al RSS !
NOTA: El comptador de visites està actiu des de 02-2016
